About Me!
Assalamu
Alaikum!
Mera naam Muhammad Sufyan hai aur main ek junooni teacher aur digital skills trainer hoon. Main bachpan se hi “Polio” ka shikar raha aur is waqt wheelchair par hoon. Lekin, is mushkil ne mere hosle ko kam nahi hone diya. Main ne apni sehat ke masail ko apni kamzori nahi, balke apni taqat banaya. Mera mission hai ke main har zarooratmand student aur naye seekhne walay ko, jo financial ya physical limitations ki wajah se peeche reh jaate hain, computer aur freelancing skills muft mein sikhein.
Is blog, "Muft Mai Seekho" ka bunyadi maqsad yeh hai ke aap apne ghar ki aasani aur sukoon se skill-based education hasil kar saken. Humari tamam tarbiyat Urdu zubaan mein hoti hai, ta k har Pakistani aur Urdu bolne wala duniya bhar mein, technology ke zamane mein peeche na rahe. Mera yaqeen hai ke taleem sab ka haq hai aur is tak rasai asaan honi chahiye, chahe aap kisi bhi jagah ya halaat mein hon.
💡
Courses & Skills Jo Aap Seekh Sakte Ho:
Hum apne platform par wahi skills sikhate hain jin ki aaj ki digital duniya mein sab se zyada demand hai. Hamare chand mashoor courses yeh hain:
💻
Basic Computer Course: Agar aap computer ki bunyadi baatein nahi jaante
to yeh course aap ke liye hai. Is mein hum aap ko MS Word, Excel, PowerPoint,
aur Urdu mein likhne ke liye InPage ka istemal sikhate hain.
🎨
Mobile Graphics Designing: Aap apne mobile par hi khoobsurat design
banana seekh sakte hain. Hum aap ko Urdu Designer, Canva, aur PicsArt
jaisi apps ka mukammal istemal sikhate hain.
📊
QuickBooks (Accounting Software): Un logon ke liye jo commerce ya
accounting ki field se hain, hum computerized accounting ka sab se mashoor
software, QuickBooks, sikhate hain.
🌐
Internet & AI Tools: Aaj ke daur mein AI ki ahmiyat se inkaar
nahi kiya ja sakta. Hum aap ko internet par research karna, blogging karna, aur
tarah tarah ke AI tools ko istemal karna sikhate hain.
🎯
Mera Mission
Mera vision yeh
hai ke har student, job seeker, aur freelancer ko aisi qeemti skills di jayein
jin se wo na sirf apna career bana saken, balke freelancing kar
ke aamdani hasil kar saken, ya apna chota ya bara business grow kar
saken. Main yeh janta hoon ke skill-based knowledge hi aap ko behtareen
mustaqbil ki taraf le ja sakti hai.
Main is baat
par strongly believe karta hoon ke:
“Seekhna
kabhi mat chhodiye, kyunki knowledge hi asli taqat hai.”
📢
Aap Se Darkhwast
Aap ka feedback
aur suggestions mere liye behad qeemti hain. Yeh mujhe mazeed behtar
kaam karne ki himmat dete hain. Agar aap kisi khas course, skill, ya topic ke
bare mein seekhna chahte hain jo abhi hamare courses mein shamil nahi, to
zaroor mujhe batayein. Main aap ke liye naya content banane ki poori koshish
karoon ga. Hum sab mil kar ek aisi community bana sakte hain jahan har koi
seekh sake aur aage barh sake.
📧
Contact Details
Aap mujh se in
zariyoon se raabta kar sakte hain:
WhatsApp:
0349-7568603
Email: meherg21@gmail.com